Welcome back.

Its the return of the comeback. Long time no blog. But now blog now... Hehe. Daghan unta ko mga way nada nga mga pics og mga pan-os na balita sa akong kinabuhi.

Padidit sa Outland...

Sa unang panahon padidit sa bakilid ra man among nahibaw-an sakay sa langkay sa lubi. pero karon made in Ilo-ilo az en hi-tech short for high-tikal.
Nalingaw mga bata og mga tigulang kay nag-zip mi sa Outland Adventure diri lang sa wadab. Matud pa nila kani daw ang fastest, longest and highest nga padidit nga binitay sa tibuok Asya. Bahala sila, sila ray gaingon. Una namong giagian, baktas mi panaog, tabok sa lake sakay sa dakit. Nya nisaka sa bukid. Nya nitabok sa pikas bukid latay sa alambre. Nya padidit paubos. Mao ra. Way challenge. 720 meters lang man. 100 miles per hour lang ang speed. Way nada. Suwayi ninyo, ambot ganahan ba mo.

Self Contained Underwater Breathing Apparatus Diving

Nabungog akong dunggan, nalipong ko kay nag adto mi sa Talikud Island para mag-Self Contained Underwater Breathing Aparatus Diving... in short Scuba Diving. Salamat kang Eden, ang babaeng bayot, nga nag-dani namo nga mosisid sa ilalom sa dagat. Ambot aning Eden, unsa goy lami anang magsisid. Ganahan kaayo siya. Ako pagkahuman sisid wa ko kasabot sa akong gibati. Daw gatuyok ang kalibutan, nya kasukaon ko. Buntis kaha ko? Aw butod ra diay. Mao ning silot sa mga way ugam.

Jawa-jawa

After Cebu, lahos mi sa Bojol - the Land of Chocolate Hills & big-eyed monster nga tarsier. Sa Loboc nakahilak kog bildo sa kanindot sa tingog sa Loboc Children's Choir. Sa halagang 300 naa nay buffet lunch, river cruise, good music og rubbing elbows sa ubang turista. Daghan sagbot sa Alona, Panglao. Gusto ko mag-donate og silhig para masilhigan pud ang baybayon.

Sugbu...

Usa ka igang nga adlaw ang nisugat nako sa Sugbu. Samot kainit kay sa tarmac mi niagi. Maski sulod sa Ayala igang japun. First time nako ni nga napadpad sa Cebu. Nalipay ko kay naay Orange Brutus. Sa unang panahon kadtong gamay pa ko naay Orange Brutus sa Dabaw pero karon wala na.

Kadyot lang mi kay milahos mi padulong sa Bohol. Gusto ko mobalik sa Cebu puhon kanang mejo taas-taas nga panahon para makalibot kog sakto.

Manila Manila ambot lang

Suroy kadali sa Manila kay mopalit og Krispy Kreme sa Mall of Asia. Sobra duha ka oras og tuyok-tuyok sa MOA, wala pa gihapon namo nalukop. Sensha na mga peeps, kay kutob Malate and Bay area ra ko. Kapoy na katkat (climb). Next time around, I will climb... you know climber! hehe. Kaldero tourist pay imo.

Fine City

Luoy kaayo ko. Nilaag kog Singapore 750 USD ra akong dala. hehe. Libre among gipuy-an. Pati pagkaon halos libre tanan. Kaulaw. hehe. Kalami sige balikbalik.